राजवाडा येथे राजमाता जिजाऊ यांना अभिवादन करुन राजवाडा ते तहसील रॅली काढण्यात आली. तिथे रॅलीचे सभेत रुपांतर झाले. उपस्थित हजारो शेतकऱ्यांना संबोधित केले. शासनाने केवळ आश्वासने देऊन चालणार नाही. शेतकऱ्यांना तत्काळ भरघोस मदत द्यावी. अवकाळी पावसाने शेतकऱ्यांचे प्रचंड नुकसान केले आहे. या संकटातून सावरण्यासाठी त्यांना पाठबळ देण्याची गरज आहे. बागायतीला एकरी ५०, कोरडवाहू एकरी २५ हजार तत्काळ मदत द्यावी, अवकाळीचे त्वरित पंचनामे करावे, सोलर पॅनल नुकसानीसाठी १ लाख अतिरिक्त मदत द्यावी, शेडनेट नुकसानीचा एनडीआरएफमध्ये समावेश झाला पाहिजे, प्रत्येक शेडनेट नुकसानग्रस्त शेतकऱ्यास १ लाख रुपये द्यावे, आदी मागण्या शासनाकडे लावून धरल्या आहेत. वन बुलढाणा मिशनच्या माध्यमातून याबाबत सातत्याने पाठपुरावा सुरु ठेवणार आहे.