पळसखेड चक्का या एका गावात शेडनेट लावलेले जवळपास १०० शेतकरी आहेत. अवकाळी पाऊस आणि गारपिटीने शेडनेटमध्ये लावलेले टोमॅटो, वांगी, मिरची आदी पिकांचे प्रचंड नुकसान झाले. शेडनेट उभारणीसाठी लाखो रुपयांचा खर्च येतो. राज्य, केंद्र सरकार शेडनेटला नुकसान भरपाई देत नाही. पाच- दहा हजारांचे सानुग्रह अनुदान देऊन जमणार नाही. शेतकऱ्यांना तत्काळ योग्य प्रमाणात नुकसान भरपाई देण्याची गरज आहे.