लोकराजा राजर्षी शाहू महाराज यांनी पुरोगामी पत्रकारितेला बळ दिले. डॉ. बाबासाहेब आंबेडकर यांच्या मूकनायक वृत्तपत्रास शाहू महाराजांनी अर्थसहाय्य केले. अशी इतरही अनेक उदाहरणे देता येतील. बहुजन समाजातील संपादकांची वृत्तपत्र आर्थिक स्पर्धेत टिकावी याकरिता शाहू महाराजांनी प्रयत्न केले. लोकराजा छत्रपती शाहू महाराज यांच्या विचारांचा वारसा घेऊन चालणारा राजर्षी शाहू परिवार कायम पत्रकारांच्या पाठीशी उभा राहिला आहे, हे सांगतांना मला आनंद होतोय.