आनंद मेळाव्यात जवळपास ७५ स्टॉल लावण्यात आले होते. विविध खाद्यप्रकारांची विक्री करुन विद्यार्थ्यांनी ३६ हजार ८५० रुपयांची कमाई केली. यावरुन त्यांची आर्थिक साक्षरता अधोरेखित झाली. विज्ञान प्रदर्शनात १८० विद्यार्थ्यांनी प्रकल्प सादर केले. सर्वच प्रकल्प कौतुकास्पद होते. समर्थ मदन देशमाने या विद्यार्थ्याने 'हायपर लूप' ट्रेनची प्रतिकृती सादर केली. एलन मस्क यांची ही संकल्पना आहे. जगभरात हळूहळू या तंत्रज्ञानावर काम सुरु आहे. आपल्या देशातही हायपर लूप तंत्रज्ञानाच्या माध्यमातून लवकरच वेगवान प्रवास शक्य होणार आहे.